|
|
|
|||||||
| المنتدى الشامل كل مايتعلق بمواضيع العامة...
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| :: أرقى مايتعلمه الإنسان في حياته :: | Maged | المنتدى الشامل | 4 | 07-08-2010 07:29 |
| البيوت الذكية Smart House | مريم | المنتدى العلمى العــــام | 4 | 02-11-2009 08:06 |
| الحماة الذكية،،، ماذا فعلت؟؟؟!!!! | عاشقة الصمت | فرفش نعنش | 12 | 11-08-2009 11:52 |
| خليجي 19: تعادل الامارات وقطر والمحمدي يخرج مصابا | كريستيانو | العــالم الريـــاضى | 1 | 09-01-2009 06:50 |
| انا عايز الكل يعبر عن حياته | أبو يوسف | المنتدى الشامل | 10 | 24-04-2008 03:40 |
 |
|
|
LinkBack | أدوات الموضوع | إبحث في الموضوع | انواع عرض الموضوع |
06-03-2009, 06:37
|
#1 (permalink) | ||
|
:: المدير العام ::
تاريخ التسجيل: Jun 2006
الدولة: المنصورة
المشاركات: 10,243
  |
قصة أحمدصبرى,والقرية الذكية,وقطر المنصورة,وأفظع مرمطه فى حياته,(قصةوصورمن واقع القصة)
  أخوانى العمالقة انا امبارح الخميس ,, كنت فى القاهرة وقابلتنى اهوااااااااااال والله والله اهوااااااااااااااال فى حياتى ما مريت بيها وحصلت تقلبات فى الاوضاع ,, لم يكن لى سابق عهد بها وحبيت اوصل لكم مدى المعاناة اللى فى حياتى من يوم ما ربنا خلقنى ما مريت بيها ولا اتبهدلت البدهلة اللى وصلت ليها  الموضوع طويل .. بس هيشدك عضب عنك .. ولكسر حدة الملل الموضوع هيكون مدعم بصور كتيرة اوى ,, حية ,, حصلت معايا ,, وصورتها بنفسى وبرده ,, عشان اقدر احسسكم باللى حسيت بيه قدر المستطاع نقول على بركة الله ؟؟ يللا على بركة الله ثم بسم الله والصلاة والسلام على سيدنا محمد رسول الله ثم اما بعد البداية :: جالنا الخبر الجميل ,, ان شركة inrec system نفسها ومنا عينها انها تعمل معانا interview عشان تدعم المشروع بتاعنا ,, والشركة دى فى القرية الذكية مشروع التخرج يعنى سواء بـ fund فلوس يعنى ,, او دعم دعم بشراء قطع HW للمشروع والذى منه ,, ذلك يوم الخميس الساعة 11 الصبح .... ... .. . جهزنا العدة ,, انا والمهندسين اللى معانا فى المشروع عشان نروح الأنتر فيو يوم الجميس  فجر اليوم :: انا وصديق ,, نمنا فى الشقة اللى ساكن فيها فى المنصورة والثلاثة الباقيين قررو انهم يباتو فى المدينة الجامعية ,, والمكانين ليس بمسافة عن بعضهما البعض .. . اتفقنا انهم هيعدو علينا بعد الفجر المهم ,, نمنا متأخر اوى والشباب اتصلو بينا الساعة 6,30 الصبح ورديت عليهم بالعافية وقالو لى ,, احنا تحت العمارة وطالعين حالا ,, جهزتو ولا لسه ؟! والفاجعة اننا كنا لسه نايمين المهم زى الاكس قمت اصحى فى صاحبى ,, طلع نومه للاسف اكثر منى وافطع منى بمراحل وقمت واتوضيت وصليت والشباب كانو وصلو الشقة وهما اللى صحوه بعد مشكلة !! (ازاى نايم البيه , واحنا عندنا مقابلة فى مصر ,, وفين دا فى القرية الذكية كمان) واحد من الشباب وهو الـ leader بتاعنا ,, مرضاش يطلع وقال وربنا بعد عشر دقايق لو مجهزتو لماشى وكانت بداية المشاكل انا طبعا من طبعى بجهز فى ثانية ,, كنت اتوضيت وصليت ولبست البدلة وسرحت شعرى وكل حاااااااااجة والشنطة كمان وكان البيه التانى اللى معايا ,, كان لسه فى الحمام والسؤال :: يا ترى بيعمل ايه كل دا فى الحمام ؟؟ سؤال وجيه شخص غير مرئى:: الشباب اتضايقو وسابوه ونزلو ينتظرو تحت خمس دقايق بس كنت انا فى نهاية الخمس دقائق نزلت لهم بقى عما الزميل ,, يخلص فالحمد لله نزلت ويا رتنى ما نزلت الاقيهم قدامى , يشاورو لتاكسى ,, ويركبو قدامى ويمشو وانا اشور لهم ,, ولكن ,, شكلى صغير لدرجة انى غير مرئى  بالرغم من ان صديقنا كان بيبص لى وانا بيركب التاكسى ,, وكأنه بيحنسنى !! وساعتها الفاجعة الكبرى اتصلت بيهم ,, وزعقت وقلت انا مروح ومش جاى معاكم وربنا يقويكم يا شباب فى الانترفيو انا للموقف دا مش جاااااااااااااااااااااااااااااااااااى وكنت فى شدة مضيق وغضب ليس لى عهد به  حلق الذقن , وغسل للحلل :: دون الدخول فى تفاصيل ,, رجعت الشقة لاقيت البيه ,, (مالى حلة فيها ميا وصبون) ومعاه فرشة حلاقة وبيحلق ذقنه انا للوهلة الأولى ,, قلت دا بيحلق دقنه وفى نفس الوقت , بيغسل الحلة والأطباق  اتهبلت ساعتها !! دا وقته المهم ,, المهم هو طلع شخص عطلى جدااااااااااا جدا جدا جدا كمان والمهم رحت معاه تانى عشان نذهب للانترفيو المِفَتَّح ميتنصبش عليه المهم قابلنا الشباب عند كوبرى سندوب عند البنزينه بقى عشان نركب القاهرة ركبنا عربية ,, قعدتنا يجى نص ساعة عما حمل وفى الآخر ,, يا سطى الاجرة بـ 6 جنيه قال : لألألألأ بـ 8 أحنا :انت بتتسلى يا اسطى , احنا بنركب بـ 6 والله قال :: وربنا لأ ,, بـ 8 انا مبتكلمش انكليزى يا عم الحج , بتكلم عربى احنا :: بكل حسرة ,, ولو اتكلمت انكليزى هنفهمك يا اسطى فقال :: لو راكب من عالطريق على بعد متر بالظبط عربيات طالة طوالى بيبقى بـ 6 انما لما بنحمل بتبقى بـ8 !! ازاى مش عارف بالرغم من ان اللى ماشى علطول بيوفر عليك وقت !!  بس واضح , ان البلد دى , محتاجة اللى فاهم لو مش فاهم حاجة هيتنصب عليك بمزاجك  طريق مقلق::  واحنا فى الطريق ,, لا قدر الله شفنا اكتر من 5 ولا 6 حوادث قلنا يا رب استر يا رب والسواق بيبص ولا كأن فيه حاجة موقف مألوف يعنى  وشفنا كمان حمار فى الميا ,, ازاى مش عارف !! قرر ينتحر ,, امر جائز  القرية الذكية ,, جنة مصر:: قبل ما نوصل بشوية للقرية , لما وصلنا لطريق المحور ونزلنا هناك قابلنا دا ::  مستغرب جدا!!! ازاى ,, الحكومة ساكتة على منظر زى دا !! والله انا نفسى ,, انا الخفيف كنت هتزحلق لى يجى تلت مرات ,, خصوصا ان ارضية الحذاء كانت ناعمة اوى ...  وصلنا بعد عناء , إلى القرية الذكية بالقاهرة على طريق الاسكندرية الصحراوى , بنركب لها اكتوبر بصراحة ,, انا متعجب !! ازاى الجمال دا ,, والحلاوة دى ,, فى مصر !!     وبعد الجمال اللى شفناه بقى دخلنا الشركة نفسها ,, وكانت صغيرة كتير وقابلنا صاحب الشركة وقال لنا ,,, انتو مشروع السكة الحديد  قلت فى سرى ... أهلا   جبتك يا عبد المعين :: دخلنا وياه فقال لنا ,, يا شباب عددكم كبير ,, فيا ريت لو تختصرو اوووووى فى الكلام ولم يراعى اننا جايين من المنصورة ,, ولا طيب الكلمات ولا يحترم قيمة وقتنا ولا يعمل ويانا واجب ,, ولا كباشة شاى !! ولا سندوتش فول حتى !! ما علينا ,, المهم اتناقشنا فى الكلام ,, ففى النهاية ,, طلع لنا المشروع بتاعنا Software مش Harfware ههههههه يعنى بالعربى ,, عايزين دعم ليه ؟؟ الغريب ان مشروعنا فيه هارد وير كتير اوى وشغل المهم يقولنا ,, كذا ملهاش لزمة كذا ملهاش اهمية كذا مش ACCIPTABLE مش عارف ايه مش هيتعمل لها Implementation تنفيذ على ارض الواقع يعنى وفى النهاية ,, قال لنا ؟؟ طب عايزين منى ايه اقدر اقدمه الشباب كلهم سكتو !! وقالو تشترى لنا component للمشروع وكدا !! وقال لنا تلت ارباع المكونات مش مهمة ,, وقال لنا على حاجة واحد بس اللى هى GPRS Modem دا ممكن اجيبه لكم فلبست انا ,, وش خشب , خشب ايه وش ,, حديد فولاذ  وقلت له ,, عايزين fund يعنى فلوووووووووووووس(زى العيال الشبيحة)  قالى عايزين فلوس ليه ؟؟ هههههههههههههههههههههههه قلت فى سرى ,, يخرب بيت البخل يا عالم قلت له بناخذ كورسات جافا , والجافا غالية واصعب لغة برمجة , وفيه مكونات كتيرة عايزين نشتريها ومكلفة وحوارات من دى المهم ,, الموضوع انتهى ان ربنا يسهل وهنشوف وهنتكلم على الميل وشكرا للمجىء يا شباب وكل سنة وانتم طيبين وسنة سعيدة عليكم يا رب وروحو بقى غورو  وأنتظروووووووووووووونا بعد الفاصل لسه اليوم طويل وصلو على رسول الله قبل ما نمشى كدا |
||
|
|
|
06-03-2009, 06:39
|
#2 (permalink) |
|
:: المدير العام ::
تاريخ التسجيل: Jun 2006
الدولة: المنصورة
المشاركات: 10,243
|
رد: قصة أحمدصبرى,والقرية الذكية,وقطر المنصورة,وأفظع مرمطه فى حياته,(قصةوصورمن واقع ال
حمـَّـــــــــام ,, ولا فى الأحلام ::
رحنا شركة تانية ,, لصديق لنا كان له فلوس هناك ,, دخلناها ,, وقعدنا فى الكافيتريا والاسعار هناك كانت كويسة اوى ,, مقارنة بالخدمة والذوق والأدب والشياكة والنظافة هنا ورحت الحمام ويا رتنى ما رحت ايه الحلاوة دى ايه الشياكة دى زى الافلام الاجنبى بالظبط والله بالظبط او بالملى (اختارو لكم كلمة من دول) بصراحة ,, اتحرجت اصور الحمام اعزكم الله واكرمكم ,, يقولو عليا ايه ؟؟جربوع .. سنكوح ,, بيصور حمام مش للدرجة دى يعنى .. دا الصالون بتاع بيتنا احلى منه بس بجد بجد منتهى منتهى النظافة والشياكة والحلاوة والواد كان لابس بدلة بقى ,, وتحسو انه رجل أعمال , وداخل حمام رجال اعمال انا مش عايز ادخل فى تفاصيل كتيرة اوى المهم ,, خرجنا بقى وصلينا الظهر والعصر جمع وقصر , محنا على سفر بقى وفى الآخر ,, مزاجنا عال العال وقررنا اننا نروّح بقى ويا ريتنا ما قررنا بدايـــــــــــــة الظلام :: طلعنا بقى بالصلاة على النبى ,, ورجعنا لنفسى الكبرى العلوى اللى كنا عليه طريق المحور ... طب بقولكم ايه ,, إيه رأيكم فى البدلة !! اول مرة البس بدل يعنى ,, انفع يعنى ؟؟ اهو قلت اوريكم الصورة ,, قبل الظلام الدامس اللى هيحل علينا قدام شوية ها ... كويسة ؟؟  ,, المهم بقى ,, بعد ما طلعنا للكوبرى تانى شوفو الطريق اللى طلعنا من عليه الاسنسير يعنى  وقررنا بعدها ,, نركب المؤسسة ,, عشان نركب سيارات المنصورة ويا رتنا ما رحنا ... هصلى العصر وجاى ,, استنو بقى التعديل الأخير تم بواسطة ENG/A.S.A ; 06-03-2009 الساعة 06:43 |
|
|
|
|
06-03-2009, 06:39
|
#3 (permalink) |
|
:: المدير العام ::
تاريخ التسجيل: Jun 2006
الدولة: المنصورة
المشاركات: 10,243
|
رد: قصة أحمدصبرى,والقرية الذكية,وقطر المنصورة,وأفظع مرمطه فى حياته,(قصةوصورمن واقع ال
عدنا ثم ,, الصلاة على رسول الله سيدنا محمد وعلى آله وصحبه وسلم اتلطعنا (لطع -يلطع -تلطيع) كتير اووووووووووى ,, عما لاقينا عربية مؤسسة تودينا المؤسسة والاصعب انك مش عارف تتصرف ,, لأنك جديد على المواصلات دى ... لفتة طيبة :: لاقينا عربية من العربيات الغالية اوى وقفت قدامنا ,, وقال لنا صاحب السيارة ,, أركبو ,, قلنا له اجنا خمسة مش هينفع ربنا يبارك فيك وركب غيرنا وفك أزمة مواصلات من مؤسسة لعبود لرمسيس يا قلبى لا تحزن :: رحنا المؤسسة بعد عناء الحر وصلنا , ولم نجد سيارات مطلقا والشباب قالو نروح عبود وحينها ادركنا ان اليوم هو الخميس يعنى ,, عذاب العذاب فى المواصلات فرحنا عبود ... ويا ريتنا ما رحناها خااااااااااااااااااااااااااااااااالص اتفرجو ,, شوفو عبــــــــــــــــــــــــــــــــــــــود الموقف الأساسى ,, هههههههههههههههههههه موقف اساسى للشغب ,, مش للعريبات   بعد ما شفنا الضبابة اللى بتغضو الموقف من بشر ولا يوجد مكان لسيارة !! قلنا نحاول محاولات يائسة اننا نركب عربية بس اكتشفنا ان الركوب ,, للأكثر تعامل بالقدم حقيقى ,, مصر اتغيرت كتير فى عينى لما شفت المناظر هناك والشكل والضرب بين الناس وبعضها البعض بجد منظر مؤسف وغياب الأخلاق والالفاط الخارجة جدااااااااااا اللى بنسمعها زى السلام عليكم كدا بين الناس !! بس اكثر شيوعا منها ,, وأكثر شهره منها  لفتة حقيرة :: شفت عربية جاية والناس بتتكالب عليها (عذرا فى اللفظة) والناس بتقفذ من الشباك فشفت السواق كالعادة ,, قام فاتح بعد الزحمة العربية قدام ,, لبنت طرية !! لبسة اصفر فى احمر وفى اخضر ومظبطها نفسها بصراحة ,, يمكن لابسه كدا مخصوص عشان تركب فى يوم زى دا بسهولة قررت انا احاول محاولات يائسة انى أركب سيارة .. جت عربية , سبحان الله , كنت انا اول واحد أركب فيها اول واحد اركب فيها بقوووووووووووووووووووووولكم وسبحان الله العلى العظيم وربى ما قعدت فى العربية ازاى ؟؟ مش عارف .. حد عنده تفسير ؟؟ من تزاحم الناس وتضاربهم البعض ,, معفرتش اقعد وبعد ما غطست فى العربية دى يجى عشر دقايق فجأه لاقونى اصحابى طالع منها ,, هدومى متكسرة ,, وعليها كام ختم جزمة وكدا .. قالو لى ,, نزلت ليه ؟؟ خليك قاعد واحنا هنيجى بعدك هههههههههههههههههههههه مهما ميعرفوش اللى فيها قلت لهم :: هههههههههه لألأ انا قلت بس اطمن على الناس عما تركب وقلت اركبهم واطمن عليهم ... قلت ,, أنت احمد صبرى بتاع التنمية البشرية ,, اتحرك اعمل حركة كدا فقمت رايح لهم يا مهندسين يقول القائل ذات مرة يفعل النفر مننا نفس الشىء ,, ويتوقع نتيجة مختلفة !! دا اسمه جنون قالى لى :: انجز يا بتاع انت ,, عايز ايه ؟؟ انا فى قوة :: تعالو نركب سوبر جت ,, او تقابل العربيات من قدامقالو , نروح للسوبر حت : رجنا ,, ووقفنا فى الطابور اتوبوس مكيف باشا مكانك محفوظ وهتركب ملك !! بعد ما وقفنا نص ساعة وجه دورنا ,, أكتشفنا ان ميعاد اتوبيسنا الساعة 4.30 العصر ,, ودا مجرد تقريب وكانت الساعة لم تأت 3.00 يا بشر فرحنا وقلنا ميجراش حاجة مش مهم ,, هات تساكر قال لنا ,, لما يجى الاوتويس ههههههههههههههههههههههههههههههههه (تيييييييييييييييييييييييييييت)كلمة وحشة ساعة غضب  قلنا هنقف مكانا كدا لغاية 4.30 هئ هئ هئ هئ ربنا ياخدكم يا شركة شرق الدلتا بأوتوبساتكم المعفنة الحقيرة اللى من تلتميت سنة ...... ولاقينا ناس جاية بيقولو , ان الاتوبيس بتاعهم اللى المفروض يطلع حالا ,, مفهوش تكييف والناس هتموت مستحيل مينفعش كدا فقررنا ,, نطلع زى البهوات على رمسيــــــــــس نركب القطر واهو نهبص شوية ويا ريتنا ما ركبناه وكنا بتنا فى الشارع احسن واكرم لنا أعزنا الله بالقرية الذكية ,, وأذلنا بالقطار :: رحنا رمسيس وكلو مواصلات وفلوس (طبعا مش مهم الفلوس ,, تولع) والمشكلة خطوتين بالسرفيس مثلا تلاقيه مقلبنا فى 2 جنيه ولا حاجة !! المهم المهم وصلنا للقطر هااااااااااااااااااااااااااااااااااااااااااااااااا اااااااااااى ميعادة الاول الساعة كام 5 إلا ربع قلنا ومالو ورحنا مكان الحجز , لاقيناه فاااااااااضى وجميل وزى الفل قلنا ,, برده النظام جمييــــــــــــــل فرحنا مكان المحطة فشفنا عينة من عينات القطر بتاعنا  طبعا ,, قلت مش مهم يا عم ,, المهم تركب وتستريح وتبقى زى الفل وتشترى دماغك وتروح من البلد دى بقى انا قرفت وكرهت نفسى  القـــــــــــــــــــــــــــطار ,, ورحلة الموتـــــــــــــ :: المهم جه وقت القطر بتاعنا ووقف ,, طبعا اول مرة أركبه فى حياتى كلها فركب فى الدرجة الأولى المهم قالو دى مش درجتك روح عالتانية الفــــــــــــــــــــــــــــاخر انا درجتى تانية فاااااااااااخر ,, ولا مميز مش فاكر وكانت الاولى هادية شوية وفاضية بعض الشىء ,, قعدت اخرج من مقطورة للتانية للتالتة لغاية ما وصلت لمكان ,, مفهوش قطر فيه ناااااااااااااااس كتيرة واقفة وقعدت وشنط وحاجات غريبة سألت وقلت ,, احنا فين ؟؟؟ قالو لى ,, اسم النبى حرصك وصاينك وضمك ياد لامك وحبايبها وجيرنها انت فى الدرجة التانية المميز الفاخر من القطر اللى رايح المنصورة فقلت ,, لواحد : انا عايز اقعد بص لى : هههههههههههههههههههههههههههههه انت منين يا استاذ ؟؟ هههههههههههههههههههه قلت له ,, من المنصورة قالى :: طب متقف بقى يا حبيبى وربنا يصبرك يا رب قلت له اقف فين ؟ هو فيه مكان اصلا للوقوف ؟؟ وخلص الحوار على كدا  المهم قعدت ازعق وياه اصحابى المهندسين ذوى البصيرة وقلت الله يحرق دى شورة شورة القطر تتكم القرف انا كرهت نفسى وكرهتكم وكرهت مشروع التخرج وكرهت البلد دى وفى وسط الكلام ,, لاقيت نفسى واقف بين عربتين ,, حتة مش تبع القطر يعنى ولاقيت بنات (تييييييييييييييييت)عشان مكنتش طايقهم خالص نهائى قاعدين عالارض ومستربعين ومشغلين الموبايل على الاغانى الحقيرة اللى من نفس عينتهم وانا بزعق اوى ,, وهما يبصو عليا ويتكلمو ومزاجهم عالى قمت باصص لواحدة منهم ,, قامو متمسمرين مفيش نفس وفجأه ,, شميت رائحة كريهة اوى رائحة مألوفة ريحة تيوالت ,, WC يعنى يعنى حماااااااااااااااااااااااااااااااااااااااااااااااا اااااام بصيت ,, لاقيت نفسى واقف جوا الحمام فخرجت منه ,, مع انه مفهوش ملامح حمامات خالص يعنى مفيش لا حنفية ولا بتاع ولا بتاع تانى ولا اى حاجة حتة ارضية كدا بس حمام ازاى مش عارف !!  بعد ما تقبلنا الأمر ووقفنا بقى وخلاص لاقيت صحبى هبط من الوقفة فقال انا امدد شوية فملقاش أفضل من دا مكان يمدد عليه  فلكو ان تتخيلو منظر القطر يعنى أقسم بالله العلى العظيم معاملة ,, لا أرتقى لأن أعامل بها شوية حيوانات عندى فى البيت والله على ما اقول شهيد حينها ,, أدركت مدى سؤته الواقع المرير أدركت مدى اندراج هذه البلد العريقة إلى مزبلة التاريخ وليت مزبلة التاريخ ,, ترضى به !!  ساعتها ,, شفت الوجه المطحون ,, وجه الرجل المصرى
اللى بيعمل وبيكد برا وعايز يروح لأهله اخر الأسبوع ومش لاقى غير مكان واقف فيه فى القطر 3 ساعات واقف 3 ساعات واقفين فوق بعض 3 ساعات واقف بين العربتين بتاع القطر 3 ساعات مش واقف على قدم واحدة بتبدل بيها مع التانية والله مهما أحكى , لن اصل لكم الصورة اللى شفتها فى القطر دا ومدى المهانة والإهانة اللى وصلنا لها ساعتها لأن الواقع اسوأ واقذر من الكلمات افتكرت حينها ,, انى كنت فى القرية الذكية وتذكرت الكلمات : تخت امرك يا افندم افتضل يا باشا بأبتسامة غريضة اتفضل يا بشمهندس احنا فى انتظارك تشاور للبص ,, يقف لك اوصل لك فين يا فندم تذكرت الحمااااااام .. اللى ممكن اقغد فيه 4 ساعات مقلش لأ قلت فعلا ,, ربنا بيعزنا ساعات !! واحيانا نرى الذل نفسه فى الوقت ذاته وبعدها ,, وقفنا على اول عربة درجة تانية وصاحبى كان راكن سنة كدا على الكرسى بتاع شاب بالشاب كلمة وانا مأخدتش بالى فبسأل صحبى :: ايه يا بشمهندس احمد ,, كان بيقولك ايه ؟ عايز يقف وتقعد انت لو تعبان قالى :: هههههههههههه انت عبيط ولا طيب ؟؟ كان بيقولى متيجى تقعد فوقى احسن (اسف مفيش وجه معبر) ساعتها قلت . مفيش حد بيبدل مع حد ليه مفيش ولد يقف لبنت ليه ؟ وصبيان وبنات فوق بعض لزقين فى بعض والمناظر فظيعة فعلا حسيت ان لو فيه احتلال فى البلد , هيكون واقع الناس افضل من كدا بمراحل !!  زهقت من تحت , فطلعت فوق :: هههههههههههههه مش لاقى عنوان بصراحة بس اقول ايه يعنى !! بصيت كمان شوية لاقيت المكان اللى نحط فيه الشنط واد عيل شال شوية شنط ,, ونام مكانهم كدا بالظبط  هو دا المنظر قعدت كتير عما عرفت القط منظر زى دا !! وطبعا انا بطمس كل الوجوه اللى فى الشاشة عشان مش من حقى اتعدى على حقوق حد وانشر صورهم الواد قرف من الناس تحت ,, قال يتشمس فوق احسن كتير  أكثر معـــــــــــــــــــــاناه فى حيـــــــــــــأتى كلها :: كنت فى بعض الأوقات , مش لاقى مكان احط فيه رجلى الاتنين والله فكنت بحط واحدة ,, والتانية فى الهوا وابدل بقى وكان معايا لابتوب يجى 4 كيلو بالشاحن بالكتب بالشنطة وكنت معلقة عالباب كأنه قفص فيه طماطم !! واللى رايح واللى جاى بيخبط فيه !! ولا الكمسرى بقى ,, مقلكووووووووش وربنا ,, بيعدى من جنبى ,, مشانى قدامه يجى تلاتة متر بكل رخامة وبعد ما عدى ,, واخد بيقولى ,, دا بيهزر وياك اوعى تزعل بصيت له : هههههههههههههههههههههههههه بيهزر على اساس اننا فى مرشال الجزيرة ,, وقاعدين بنهزر بقى وبتاع هو المكان يحتمل هزااااار انا الحين تذكرت الموقف ,, فجسمى سخن لأنى تعايشت اللحظة المريرة دى تانى اى والله المشاعر والاحاسيس اتنقلت ليا , اتمنى انها تتنقل لكم برده بنفس الطريقة  ما أجمل ان تضحك فى أصعب المواقف :: وبالرغم من المواقف الزبالة دى والاحساس المرير دا إلا اننا مبطلناش ضحك كنا بنقعد نقول اى حاجة عبيطة ملهاش معنى عشان نضحك والحمد لله كنا بنضحك بجد ومن قلبنا كان يعدى القطار المقابل جنبنا , فنسمع صوت شديد اوى ومدوى اوى اوى فكنت انا اتجعز اوى وافط من مكانى ههههههههههههههه وكنت بعدها اقول لأصحابى ,, يا جماعة دا مطلوب ,, كويس اوى عشان يكسرو حدة الملل للمواطنين ,, يسلوهم بأيه يعنى ؟! وكنا بنعدى من على حاجة ,, فكنت بلاقى القطر بيتمرجح لفوق وتحت بجد كأنى فى مرجيحه خصوصا انى على اول العربية اللى مربوطة بعربية تانية فكنت لا أملك غير إنى اقول ,, حلو بيدلعو المواطنين اهو يمرجحونا شوية عشان نظقطط كدا ونفرفش ونظقطط ونفرفش ونظقطط كان حلم ,, فأصبح كابـــــــــــــــــــــــــــــــــــــــوس :: العنوان حلو عنوان جذاب اى والله معرفوش ,, انا مشروعى ايه ؟؟ اسمه RWSS RailWay Safety System Using RFID Tecnology عنوان جاااااااااااامد خلاصته ,, اننا بنعمل tracking لشبكة قطورات ونعمل لها حماية وبتاع ونعرف القطر دا راح فين وامتى وازاى والساعة كام ودا جاى منين وامتى وازاى وكدا والمعلومات دى مربوطة بـ DataBase فى سيرفر والمعلومات بتوصل اوتوماتيك بسيرفر وكدا هههههههههههههههههههههههههه دا مشروعى هههههههههههههههههههههههههه وعايز اطبقه هنا فى القطر اللى انتم شفتوه هههههههههههههههههههههههههه مستحيل خالص فى الوقت دا ازاى ؟؟ اصلا اصلا اصلا مش هنلاقى مكان لل component فى القطر نحطها فيه وال ايه ,, كمبيوتر فى القطر !! يتمرجح زى ما كنت انا بتمرجح فى القطر كدا ,, عايزين كمبيوتر فولاذى انا ساعتها ,, كرهت المشروع باللى فيه بيا بزمايلى بالعلم نفسه بالبلد دى باللى فيها ومليش اى نفس اعمل فيه حاجة علاوة على ان الراجل بتاع شركة inosystem طلع المشروع سوفت وير وبتاع وطلع شعلنا بسيط ومش اد كدا بعد ما وصلنا المحلة ,, يجى بـ ساعتين كدا ناس كتيرة اوى اوى نزلت وفضى اماكن نقعد فيها وساعتها ,, حسيت انى ياااااااااااااااااااااااااااااااااااه هقعد زى البنى ادمين اخيرا بقيت بشرى وهقعد زى ما الناس ما بتقعد على فكرة ,, لما كنا واقفين , وربنا ما كان فيه مكان اصلا تقعد مكانك اى وربنا استنوووووووووووونا قربنا نخلص اهو انتظرو وصلو على الحبيب محمد الأول كدا التعديل الأخير تم بواسطة ENG/A.S.A ; 06-03-2009 الساعة 06:48 |
|
|
|
|
06-03-2009, 06:40
|
#4 (permalink) |
|
:: المدير العام ::
تاريخ التسجيل: Jun 2006
الدولة: المنصورة
المشاركات: 10,243
|
رد: قصة أحمدصبرى,والقرية الذكية,وقطر المنصورة,وأفظع مرمطه فى حياته,(قصةوصورمن واقع ال
عدنا واللهم صلى على الحبيب محمد وعلى اله وصحبه وسلم بعد ما وصلنا المنصورة ,, قلت اروح المحافظة عشان اجيب فلوس من Westen Union لاقيت المنظر دا  وفى النهاية بقى :: عايزكم تقارنو بين الصور دى : دا ::  ودا :: وبين دا ::  ودا :: وبين دا ::  ودا :: وبين دا ::  ودا :: وبين دا ::  ودا :: بس كدا ,, ودى كانت نهاية ,, يومى الجميل فى القاهرة قاهرة المعز لدين الله الفاطمى وعلى فكرة ,, انا قاعد اكتب فى الموضوع دا ,, من بعد صلاة الجمعة إلى الآن ,, والمغرب الان أذن اى والله لكم ان تتخيلو بقى انا كتبت الموضوع دا ليه ؟؟ بس استريحت كتير لما كتبته بس كدا وعايزين يا اخوانا نصلح اللى جوانا عشان ربنا يصلح لنا البلد دى لأن والله عمرنا ما هنشوف نصر ابدا طول محنا كدا طول ما فيه نصب وعياب للاخلاق ولبس سىء للبنات ,, بلاش اقول لكم اللى شفته وحرامية و و و و و و واتقو الله فى مصر ,, وفى انفسكم وبالله عليكم ,, اى دعوة بظهر الغيب ,, ربنا يصلح ما بى من مساوىء  وبذلك , يكون قد انتهى الموضوع أخوكم : ENG/A.S.A أحمد صبرى التعديل الأخير تم بواسطة ENG/A.S.A ; 06-03-2009 الساعة 06:50 |
|
|
|
|
06-03-2009, 07:56
|
#5 (permalink) |
|
:: عملاق ماســى ::
 
تاريخ التسجيل: Mar 2008
الدولة: مصر
المشاركات: 2,933
|
رد: قصة أحمدصبرى,والقرية الذكية,وقطر المنصورة,وأفظع مرمطه فى حياته,(قصةوصورمن واقع ال
واااااااااااااا وكستااااااااااااااااه
شوفتو يا اخونا الحال وصل لحد فين فى مصر لا حول ولا قوة الا بالله على فكرة يا ابو صبرى انا شفت بلاوى زرقه فى البلد دى وربنا يعلم انا كنت بعدى منها ازاى . اهو الواحد كان بيسلك امورة وخلاص .................................................. .... ربنا يعينك يا احمد وطول مانتا فى مصر لالالالا اوعى تفتكرى انا قصدى على مصر ام الدنيا والحضارة والقلعه والثلث اهرامات انا قصدى يا غالى على مصر الحقيقة مصر دلوقتى الى بقت قاع او زى ما قولت مزبلة مصر القديمة ....................................... ربنا يوفقك ويعينك واتمنى ان يكون عظمك نشف من المشوار دة اكتر من الاول عارف انه ناشف بس المرادى زاد نشوفية على فكرة ردى ما انتهاش لية عودة للاستكمال |
|
|
|
|
06-03-2009, 08:33
|
#6 (permalink) |
|
: المدير العام السابق ومؤسس المنتدى :
تاريخ التسجيل: Jun 2006
الدولة: المنصوره
المشاركات: 5,504
|
رد: قصة أحمدصبرى,والقرية الذكية,وقطر المنصورة,وأفظع مرمطه فى حياته,(قصةوصورمن واقع ال
يا احمد يا اخويا , لا يسعنى الا ان اقولك حسبنا الله ونعم الوكيل
نحن فى مزبلة التاريخ كنت حاسس انكم مش هتطلعوا بحاجه من المقابله دى , وياريتكم مطلعتوش منها بحاجه فعلا ,كان أكرم يابنى انت فى بلد لا تقدر العلم والعلماء , وبتعتبر العلماء والمتعلمين زيهم زى الجهلاء , البلد دى متقسمه نوعين نوع معاه فلوس ده اللى شفته وانت فى القرية الذكية ومستوى النظافه والاتيكيت , ونوع مطحووووون وممعهوش فلوس وده بيتعامل معامله البنى حيوان , ربنا يكرمك وحاول تنسى وتكمل طبيعى ولا كأن حاجه حصلت , وارمى ورا ظهرك علشان متتعقدش , بجد مش لاقى تعليق اقوله على اللى حصل , غير حسبنا الله ونعم الوكيل ,, فى مصر شعبا قبل حكومه ,, كلمة نقولها لكل الناس وانا اولهم كان هناك قانون فى الكون قبل ميلاد الحبيب المصطفى واتغير بعد ميلاد الحبيب القانون ده :: فارسلنا عليهم طيرا ابابيل , الصاعقة , غرق فرعون , خسف الارض اهل مكة محاربوش ابرهه الكافر المتكبر , موسى محاربش فرعون , الناس د مجرد انها دعت فربنا اهلك عدوهم اتغير القانون بميلاد المصطفى ,, زمن الطير الابابيل انتهى , احنا فى زمن قانونه ان تنصروا الله ينصركم ,, وبدأه النبى واصحابه ولازم نكمله من بعدهم ,, ان تنصروا الله ينصركم , تنصروا الله فى انفسكم اولا , باتباع الدين , عبادة ربنا عبادة حق , معاملة الناس معاملة حق , وقتها هننتصر وهنتقدم ,, كل واحد ينصر ربنا فى صلاته فى صيامه فى تربيه اولاده فى معامله الناس , الناس الوقتى بقيت تدعى وبس وهو مبيعملش حاجه , مفكر الدعاء لوحده هيغير حاجه , دعاء من غير عمل لا يقبله الله النبى عليه الصلاة والسلام عمل بالقانون الجديد , مش ندعى وبس وربنا يهلك العدو لالالالا دا جهز الجيش واستعد ودعا ربنا , وحارب واصيب النبى فى المعارك , وقاتل المسلمين وقتلوا , يعنى زمن الطير الأبابيل انتهى واياك تقول هو انا اللى هغير !!! لانك مش هتسأل معاهم فى الهيصه ,, لا لا ,, لوحدك ,, فرد .. التعديل الأخير تم بواسطة mahfouz ; 06-03-2009 الساعة 08:40 |
|
|
|
|
06-03-2009, 09:07
|
#7 (permalink) |
|
:: عملاق ماســى ::
تاريخ التسجيل: Jun 2007
الدولة: المنصوره
المشاركات: 4,239
 |
رد: قصة أحمدصبرى,والقرية الذكية,وقطر المنصورة,وأفظع مرمطه فى حياته,(قصةوصورمن واقع ال
موضوعك احزننى فعلا يا احمد لكن انا وبكل اسف اعلم كل ذلك وما هو ابعد من ذلك وزى ما محفوظ قال واتكلم عن الفجوه الاجتماعيه الى بنشوفها والناس الى واكلاها والعه وخير البلد فى جيبها فى حين ان فى ناس على الجانب الاخر مهمشين ليس لهم حقوق يعيشون حياه الذل والمهانه تحت حذاء المدعو حسنى مبارك لكن اللوم ليس على النظام والحكومه لكن اللوم علينا احنا كشعب بارز الله بالمعاصى شعب سلبى الى اقصى درجه ................................... بس انتا شكلك يا احمد كده عظمتك طريه يا بنى الحكايه الى حصلتلك دى بتحصل لناس كل يوم تقريبا كل يوم تجد وجوه المصريين الغلابه فى المواصلات والقطارات والشوارع وطوابير العيش باللذات القاهره ............................................ طيب الحل للخروج من الاوضاع دى اننا نكون ايجابيين وزى ماانتا قولت بردو لازم التربيه والاخلاق والعباده ونكون ايجابيين ساعتها الاوضاع هتتغير وهتبقى افضل مما هى عليه الان بس يا جماعه الى يشوف الكلام ده ميكرهش البلد ..................................... البلد بلدنا والبيت بيتك ليه بنخاف بقا من الحرامى اذا كان البيت بيتك ................................... كلنا بنحب مصر مهما حصل مش علشان مصر مسروقه مننا نكرها دى بلدنا وهتفضل ام الدنيا ............................................... ليا مين ؟؟ ليا مين غيرك يا بلدى ليا مين ياللى علمتينى اية معني الحنين أنتي اللى ارضك طيبة والغربة فيكى قريبة وحنينة على قلبنا طول السنين ماشيين يا بلدى فى سكتك حريتك هيا الطريق  بالصبر بالصبر والرأي الجرئ بالحب يا بلدى ولادك مخلصين وشرفك يا بلدى لتبقى يا بلدى حياتك هيا عمرى وقدرك هوا قدرى حرية على طول الزمان حب حب وسلام فى أى مكان  وشرفك يا بلدى سحابة وتعدى وبرضة أنتى بلدى مهما عملوا يا بلدى فيكى
أحنا ليكى احنا بيكى دا أحنا ياما خدنا منك ... فيها أية لو يوم نديكى .................... http://www.youtube.com/watch?v=1A6lyq82Mpk ...لى عدوه مره اخرى |
|
|
|
|
06-03-2009, 09:17
|
#8 (permalink) |
|
: : عملاق فضي : :
تاريخ التسجيل: Sep 2008
الدولة: المنصوره
المشاركات: 685
|
رد: قصة أحمدصبرى,والقرية الذكية,وقطر المنصورة,وأفظع مرمطه فى حياته,(قصةوصورمن واقع ال
تخيل ان ده كان بيحصل معايا لمده 5 سنوات يا حبيبى والله عزرك وحاسس بيك وبعدين اقولها وبأمانه سؤسأل عنها امام الله يبقى انت اكيد فى مصر |
|
|
|
|
| مواقع النشر (المفضلة) |
| أدوات الموضوع | إبحث في الموضوع |
| انواع عرض الموضوع | |
|
|
الموقع الرئيسي
مركز الالعاب
مركز رفع الملفات
العرض العادي
