النبات المعجزه الحبه السوداء (حبه البركه) علاج لكل داء.........الجزء الاول

[خالد]

بسم الله الرحمن الرحيم

بدايه الكلام الصلاه علي خير الانام سيدنا محمد عليه الصلاه والسلام

في بدايه موضوعي يا شباب يشرفني ويسعدني اني اكتب الموضوع الخاص بهذا القسم في قسم الصيدله والعطاره وان شاء الله نستفيد كلنا

حبيت ابدا اول موضوع في القسم بنبات حبه البركه لان مفيش حد بيتكلم عليه كتير او بيديله الاهتمام المناسب

ان شاء الله بتوفيق من ربنا سبحانه وتعالي وبجهد وبتشجيع من كل الاعضاء هنتكلم عن حبه البركه في 3 اجزاء :-

(1)....... تعريف حبه البركه وكلام الحبيب عليه الصلاه والسلام عنها وانواعها ايه واماكن زراعتهاومكوناتها(المواد الفعاله)

(2)........استخدامات حبه البركه في الطب القديم وفوائدها في الطب الشعبي ووصف طرق العلاج لانواع كثيره من الامراض

(3)........استخدامات حبه البركه في الطب الحديث وفوائدها وانواع كل مرض وطريقه علاجهاواستخدامها في تحضير الادويه واثارها الجانبيه

>>>>>>>>>>>>نبدا بالجزء الاول: -

ونبداه باول سؤال :

ايه هي حبه البركه ؟؟؟

حبه البركه يا جماعه دي عباره عن بذور نبات عشبي بينمو سنويا في منطقه البحر الابيض المتوسط غالبا وبيزرع في مناطق اخري زي افريقيا واسيا وشبه الجزيره العربيه


اسمه العلمي المعروف بيه Nigella sativa والنبات ده يا جماعه قصير في الطول وبيحتوي علي ثمره والثمره دي فيها كبسوله بداخلها بذور بيضاء ثلاثيه الابعاد سرعان ما تتحول البذور البيضاء دي الي اللون الاسود عند تعرضها للهواء وبتصبح علي شكل الحبه السوداء اللي احنا بنشوفها عند العطارين

السؤال التاني اسماء حبه البركه ايه ؟؟؟

...................عشان الناس لو حبت تشتري ليها اسماء كتير منها:-

حبه البركه (مصر)_ الشونيز (ايران) _الكمون الاسود(السودان) _ القحطه (اليمن) _ وكان تسمي عند قدماء المصريين باسم....... مشنقت

دي بعض الاسماء علي سبيل المثال لا الحصر عشان الوالده الكريمه متتخدعش وهي بتشتري

السؤال الثالث انواع حبه البركه ؟؟؟

حبه البركه ليها 3 انواع يا شباب
النوع الاول واسمه ......الحبه السوداء المعروفه وهي دي الاصليه يا جماعه ونعرفها ازاي >>>>>>>>>ان الحبايه بتاعتها اتقل من بقيت الانواع وريحتها نفاذه وطعمها حار بيلسع يعني وشديده السواد عشان متتخدعيش يا حجه وانتي بتشتري من عند العطار لان فيه ناس بتخلطها بانواع مش اصليه وبالتالي مبتجيبش نتيجه في العلاج

النوع التاني واسمه ..... حبه البركه الدمشقيه

النوع الثالث واسمه ....... حبه البركه الشرقيه


طبعا في فروق بين كل نوع ونوع كتيره عشان الحديث ميطولش

السؤال الرابع بيقول .........

مكونات حبه البركه او المواد الفعاله اللي بتستخدم في العلاج ؟؟؟؟

ودي معظمنا عارفها وهي :-

(1) fixed oil او الزيت الثابت وده نسبته في حبه البركه تصل الي 35% والزيت ده عباره عن دهون واحماض

(2) volatile oil او الزيت الطيار وده نسبته 1.5% وده عباره عن سوائل طياره زي العطر كده يا جماعه

(3) مواد سكريه وبروتينات ومعادن زي الفوسفات والفسفور والحديد والكالسيوم وطبعا كلنا عارفين اد ايه الجسم ميقدرش يستغني عن الاربعه دول



واخر حاجه هنتكلم عنها وهي خير ختام كلام الحبيب عليه الصلاه والسلام عن الحبه السوداء تعالو نشوف كده :-

قال الحبيب .........."ان في الحبه السوداء شفاء من كل داء الا السام".

وقال ايضا عليه الصلاه والسلام ...... " خير ما تداويتم به الحجامه والقسط والشونيز"

الشونيز زي ما عرفنا هو>>>>>>> حبه البركه

وتعالو نشوف الحديث ده اللي بيوضح اهميه حبه البركه :-

"""عن خالد بن سعد قال خرجنا ومعنا خالد بن ابجر فمرض في الطريق فقدمنا المدينه وهو مريض فعاده بن ابي عتيق فقال لنا عليكم بهذه الحبيبه السوداء فخذوا منها خمسا او سبعا فاسحقوه ثم اقطروها في انفه بقطرات زيت في هذا الجانب وفي هذا الجانب فان عائشه رضي الله عنها حدثتني انها سمعت رسول الله صلي الله عليه وسلم يقول ان هذه الحبه السوداء شفاء من كل داء الا السام قلت وما السام قال الموت """

بكده يكون انتهي الجزء الاول من الحبه السوداء واسف علي الاطاله قراءه الموضوع مش هتاخد خمس دقايق لكن هنستفاد ان شاء الله


ياريت يا شباب المشاركه والتفاعل الايجابي في الردود والاراء عشان نرتقي للافضل وشكرا للجميع

لكم مني خالص التقدير والاحترام

......... ترقبو الجزء الثاني من الحبه السوداء >>>>

(( استخدامات حبه البركه في الطب القديم وفوائده في الطب الشعبي ووصف طرق العلاج لانواع كثيره من الامراض ))

النبات المعجزه الحبه السوداء (حبه البركه) علاج لكل داء.........الجزء الاول

 

التوقيع

[الكوتش2007]

شكرا على الموضوع اخى وفعلا حبة البركة علاج لكل داء

من مواضيعى بالمنتدى

  0 نجف كريستال روووووعه
0 جديد عجائب الصور
0 كل ما يخص كاس الامم الافريقية ارجوا التثبيت
0 أحلى صور رياضية متحركه
0 لاتنســى اشرب المــاء وانت امام الكمبيوتر,,هــام جــداً

[خالد]

طبعا

شكرا لك على الرد

من مواضيعى بالمنتدى

  0 سمكة لها فمين ( سبحان الله )
0 فتاة تستهزأ بدعاء العهد فماذا جرى لها؟!!
0 طفل يرسم رسمه تجعل امه تنهار باكيه
0 اب يحلق شعر بنااته بسبب
0 قطع راس امه فنضرو ماذا فعل الله به ؟ . . . . < قصه مؤثره >

[مريم]

السلام عليكم ورحمة الله وبركاته

بسمع ان الحبة السوداء مش معروفه لحد الآن وانه فيه اختلاف
كل واحد بيقول انها هي دي
احنا عندنا بتباع هنا
بس المعلومات اللي قولت عليها يا خالد مش مطابقة ليها
مثلا مذقها مش حار وريحتها عادي مش نفاذة
مع ان شكلها حبات سوداء صغيرة

شكرا خالد على الموضوع وفي انتظار الجزء الثاني منه باذن الله

من مواضيعى بالمنتدى

  0 nod32 antivirus.sis
0 أربعة أنواع من البطريق مهددة بالزوال
0 سلحفاة عمرها 1000 سنه (فيديو)
0 سمك بالباذنجان
0 ما هي ظاهرة "الصدى" ؟