يا جماعة انا عندي مشكلة ومش عارف أبدأ منين ومش عارف ده المكان الصحيح اللي أقول فيه مشكلتي ولا أيه
انا محتار جدا ياريت تساعدوني !!!

بسم الله الرحمن الرحيم

انا مشكلتي مع البنات بكون معاهم صريح جدا لدرجة ان محدش من اللي خطبطهم بيعمر معايا خالص( 3 )
مش عارف اعمل ايه أصرف نظر عن موضوع الجواز ده ولا أعمل أيه وهل من الممكن أن الاقي بنت بتفهم وبقدر ولا كل البنات دلوقتي واهاليهم عايشين في عالم الخيال والوهم وامتا بقى نتخلى عن الكلام الفاضي زي قالو وقولنا وتقصد ومقدرش ومش عايزه اضحى وكأنها هضحي بعمرها.
للأسف الناس اتغريت وأنا مش عارف اتغير علشان اعجبهم ومش عارف اكون منافق كمان أصل أنا متربتش على كده.
دا أنا ساعات اقول لبابا حرام عليك ربتنا على حاجات مش موجوده دلوقتي خالص ( الصدق والصراحة ) إلا عند من رحم ربي وهم للأسف قليلون جدا .
الغش والخداع والكذب والمراوغة من الصفات الأساسية في معظم الناس هذه الأحيان وإحيانا في المتدينين ظاهريا وما أكثرهم
أعلم تمام العلم ان كل ما أمر به إنما هو أختبار من خالقي سبحانه وتعالي وانا صابر يارب
يارب أني استغرفك على كل ما جاء مني ـ رب أغفر لعبد الضعيف الزليل لوجهك الكريم ـ رب أهدني سبل من هديت
وصلى اللهم وسلم وبارك على سيدنا محمدا وعلى آله وصحبه وسلم

اشكرك اخوى المنهدس صلاح عيسي
انا هقول الموقف اللي صعد الموضوع قوي وهوه
انا في آخر مرة قولتلها انتي عارفه موضوع الشقة اللي أنا كنت مقدم عليها شكلها كده مش جايه دلوقتي واحنا قربنا نتجوز يحصل حاجه لو اتجوزنا في بيت البلد بوضع مؤقت ( علما بأنها من الأرياف ) لغاية لما شقة مصر تيجي ان شاء الله
وانا شرحتلها اني لو قعدت في البلد هكون مضطر نظرا لغلاء المعيشه في مصر ومحدودية المرتب وارتفاع الايجار 450 ج
مع العلم **** كل حاجه كانت واضحه من الأول **** ومكنتش معشمها ان الشقة جاية قبل وقت الجواز