الرئيسية - رفع الصور والملفات - ألعاب - دروس - خطوط - اتصل بنا - أعلن معنا
|
|
الرئيسية - رفع الصور والملفات - ألعاب - دروس - خطوط - اتصل بنا - أعلن معنا |
|
|
        |
|
|||||||
| الملاحظات |
|
| ادبـيــات خاص بمجالات الأدب المتنوعة ،، أطلق العنان لمواهبك الشعرية والنثرية |
 |
|
|
أدوات الموضوع | إبحث في الموضوع | انواع عرض الموضوع |
|
#1
10-07-2007, 02:04
|
|||||
|
|||||
خلاص راجع على بلادى
راجـع على بـلادي
  خلاص راجع على بلادي خلاص راجع على بلادي وباكسر قله وأنا ماشي ومش رايح هناك تاني  بقول راجع على بلادي على الحته اللي ربتني وجنب النخله عالترعه هناك مِسْقَه تخش شمال وتفضل ماشي طوالي وبرج حمام كمان عالي وعالناصيه هناك بيتنا وفيه قدامه تكعيبه وشجرة توت وكلب أسود هناك مربوط مفيش أصعب من الغربه ولا اسهل من طريق بيتنا وآل رايح بلم فلوس وسايب ناس عشقناها وحبتنا وشايل فوق كتافي حمال وكلمه قالوها في الأمثال بإن اللي يسيب داره يروح غربه وشايل حمل يبقى حمار دماغك بحر مـ الأفكار وقال رايح تسيب بلدك وتتغرب جتك داهيه حبال الغربه يا مفتح حبال واهيه ومين مجنون عشان يهجر جمال بلده وييجي لغربه بتعانده تسيب نسمه وجو جميل تروح للحر بقول راجع على بلادي ومين ينساها راس البر وبنقزقز هناك ترمس وده يغني وده يرقص وعالرمله بنبني بيوت بتتكسر بموج البحر وعالرمله كمان نحفر في كام حفره نغطيها بورق سلوفان ورمل كمان وننده حمدي أو محسن نجيبه هناك ونتمشى يقوم واقع نصور دوغري كام صوره ويتجنن يروح قايم ويحدف طوب وبالشقلوب يروح واقع ومتكعبل يروح واقف وشعره كنيش وعمري في يوم كمان ما أنسى ساعات حلوه وعالكورنيش وعم فاروق هناك قاعد ومحمود جنبه بيساعد ويعمل شاي وتشرب أحلى كبايه وتتمشى في جو جميل تشوف أسدين ومن فوق كوبري قصر النيل بترميلك ريال فضه وتتمنى بإنك بس تستنى تشوف إبنك بيتجوز يكون عمرك يدوب ستين وفـ مراتك بتتعكز تفوق دوغري وبتكمل ورحت البيت لقيت امي بتندهلي تقول حزر هنطبخ إيه أقول كشري تقوم خبطاني على راسي تقول عارف يا سوسه منين أكيد عبده الجبان قالك ومين قدك حماك عازمك وبتنادي يا واد يا أحمد مشفتش يا إبني نضارتي نقوم نضحك من المنظر تقوم بصالي وتكشر تقول مالكم بتضحكو ليه نقول يا حبيبتي نضارتك على عنيكي ودي أجمل حاجات فيكي بتنسي بسرعه وفـ ثانيه عشان قلبك كتييير أبيض بقول راجع على بلادي وهشرب ميه مـ القله وهاكل محشي مـ الحله وهتمشى وهلعب كوره يوم جمعه وأعلّي الراديو عالآخر وفي المترو راح أتّاخر عشان تقعد بنات حلوه وأقزقز لب في الشارع وأغني كمان بصوت عالي وهعمل نفسي مش سامع وهرجع بيتي نص الليل وهضرب نفسي ميت جزمه لو إني صحيت في يوم مخنوق وجيت فكرت في الغربه  خلاص راجع على بلادى
التعديل الأخير تم بواسطة Free Pen ; 10-07-2007 الساعة 11:45. 
|
|
11-07-2007, 12:07
|
رقم المشاركة : [2] | |
|
: : من مؤسسى العمالقة : :
|
رد: خلاص راجع على بلادى
السلام عليكم ورحمه الله وبركاته
. . لو حابب تعرف رأيى بقصيدتك.. ممكن اقدر اوصله وممكن لا.. . لانك بصراحه اعتمدت على العاميه وده فى حد ذاته... رائع رائع رائع فوق ما تتخيل.. عن جد والله ما بعرف اقولك كم الاحاسيس اللى حسيتها وانا بقرأ كلماتك... واصابتى الحيره بين امرين... اولهما ان اخرج بدون رد... وكان طبعا محال اعملها بعد هالكلام الجميل... . وثانيهما... بأن اكتب رد ضعيف... ما بقدر اعبر بيه عن الجمال اللى بقرأه.. . وكان قرارى الثانى.. الغربه داء ماله دواء اصاب غالب الشباب و كل اللى بيفكروا بيه ان هناك جبال مال .. وبيروحوا وبيشوفوا ويقولوا ياريته ما كان.. . لكن بنعمل ايه... بنستسلم لافكارهم ولما نناقش بيقولوا هنجيب وراح نرجع بصيت فتان.. . وما بيحسوا ... وفى الاخر... يقولوا كلام ويحاولوا يتحملوا ... ولكن للاسف كله ما بيفيد ومين قال ان المصرى بيتحمل مياه تانيه بترويه .. . حاسه انى ما بعرف اتكلم... . اعذرنى اخى... وما بقدر اقول الا اننى فى غايه الامتتنان لهالكلمات... سعيده بيها فوق ما تتخيل... بتعرف انا كنت ببتسم وانا بقرأها وحاسه كل كلمه منها... كلمات بسيطه ورائعه ... ولها احلى تقييم ان شاء الله.. . تقبل مرروى وكلماتى الواهيه... . |
|
|
|
|
11-07-2007, 03:45
|
رقم المشاركة : [3] | |
|
: : مشرف القسم العلمى : :
|
رد: خلاص راجع على بلادى
والله الواحد مش عارف يقول ايه على كلامك الرائع ده وطبعا هوصله للى كاتب الموضوع هو اكيد هيفرح جدا |
|
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| خلاص تعبت وهنتحر قرار ومش هرجع فيه | آلاء | المنتدى الشامل | 9 | 03-11-2008 03:06 |
| :: جديد كليبات مشارى راشد:: كليب يا بلادى &كليب الضرير>>>لعيون العمالقة... | midooooooo | مالتيميديا اسلاميه | 12 | 17-06-2008 05:25 |
| خلاص يازمن يكفينا من حكمت عليهم!! | صدى الاحاسيس | ادبـيــات | 2 | 10-11-2007 09:56 |
| تعبت خلاص | Eshoo4ever | ادبـيــات | 5 | 22-09-2007 11:08 |
| الاهلى راجع من اليابان اوعى وشك | Roka | العــالم الريـــاضى | 3 | 08-02-2007 11:30 |
العرض العادي
