الرئيسية - رفع الصور والملفات - ألعاب - دروس - خطوط - اتصل بنا - أعلن معنا
|
|
الرئيسية - رفع الصور والملفات - ألعاب - دروس - خطوط - اتصل بنا - أعلن معنا |
|
|
        |
|
|||||||
| الملاحظات |
|
| طور ذاتك الشخصية، وتكوينها، وتطورها، ووسائل تحليلها، وقياسها، ودراسة اجزاءها والنظريات النفسية في علم الشخصية |
 |
|
|
أدوات الموضوع | إبحث في الموضوع | انواع عرض الموضوع |
|
#1
09-07-2007, 06:41
|
|||||
|
|||||
(( بمناسبة الصيف والتصييف والإجازات )) .: بلاج الهنا :.
  بمناسبة الصيف والتصييف والإجازات هنتكلم شوية عن .. (( مصايفنا ))   المشهد ده صعب تلاقيه في أي حتة تانية في العالم إلا مصر .. صعب إيه .. ده مستحيل أصلا ! :: :: :: :: البلاج في جمصة أو في رأس البر أو في الإسكندرية أو في بلطيم تجلس سيدة سمينة على رمل البلاج وقد وضعت أمامها حلة كبيرة ممتلئة عن آخرها بصوابع المحشي المعتبر " ورق العنب والكرنب والكوسة والطماطم والفلفل والباذنجان .. أيوه كله مع بعضه "، ثم تنادي بأقصى ما تمتلك من قوة على أبنائها الموجودين في البحر - يا رب يغرقوا ! - : " يا أحمد .. يا سيد .. يا منى .. يا سلوى .. يلاّ الأكل جاهز .. ماجعتوش ولا إيه ؟ " يخرج الدرافيل - نقصد الأطفال - الأربعة من البحر في سرعة وهم يطرطشون كمية مياه كبيرة على كل الجالسين على البلاج في لا مبالاة قبل أن ينقضوا كالغيلان على حلة المحشي ليلتهموها " عن بكرة أبيها " - كلها يعني ! - "همهمهمهمهم" .. بعد أن ينتهي الحفل تقوم الأم في بطء ومعها " صابونة صن لايت " لتغسل الحلة في مياه البحر المالحة وهي تردد لنفسها : " يلا ّ أي حاجة ولما نرجع البيت ابقى اشطفها بمية حلوة " ..  ثم تعود إلى جلستها المفضلة تحت الشمسية قبل أن يمر بجوارها بائع الجمبري وبعد أن تفاصله في سعر الكيلو الذي يصبح 3 جنيه ونص بعد أن كان 30 جنيها تأخذ وضع الكاتب المصري " القرفصاء يعني ".. وتبدأ في تقشير الـ 12 كيلو جمبري وهي تلقي بقشره على الرمل: " ده أبو العيال هيفرح قوي لما أعمل له كفتة بالليل " .. (( يا بختـــــه )) ثم فجأة تسمع ضوضاء قادمة من البحر وتلمح ولديها " أحمد " و" سيد " وهما يتعاركان مع شخصين آخرين ثم ترى " منى " و" سلوى " وهما قادمتان تبكيان .. تنتفض من مكانها وهي تسألهما : ..... " مالكم يا بنات " ؟ ترد "منى" : " واحد رزل عاكسني أنا و" سلوى " واحنا في البحر .. ده حتى حط إيده على كتفي ولما قعدت أصوت عمل نفسه قال إيه جت غصب عنه .. بس خلاص "أحمد" بيظبطه دلوقتى " . (( وأحمـد اللى بيتظبط يا ولداه .. طبعا أحمد مش أنا )) ثم يأتي صوت "أحمد" من بعيد وقد كاد يغرق في يد من عاكس أخته : "خلاص يا عم .. صدقتك صدقتك .. أنا مقتنع دلوقتى إن أختي هي اللي حطت كتفها على إيدك .. ارحمني "... بلوم بلوم بلوم بلوم " أنا باغرق كده يابا " !   وعلى بعد عدة أمتار يمر المصوراتي بالكاميرا العتيقة على البلاج قائلا بابتسامة لزجة لكل اتنين سوا قاعدين مع بعض : " صورة يا عسل .. صورة يا جميل .. أحلى تصويرة تجمع حبكم سوا وإنتم ع البلاج .. افتكروا اللحظات السعيدة .. نصور .. نصور يلاّ بقى .. (( اضحك منك له عشان الصورة تطلع حلوة )) .. كليك كليك.. إيدك بقى على عشرة جنيه "..  وبجواره كان ذلك الصبي الذي يبيع صواني وكوبايات يعرض بضائعه بالعافية على المصطافين : " يلاّ عرض خاص يا جدعان .. الصينية الواحدة ومعاها ست كوبايات بخمسة جنيه بس .. لأ وإيه .. مافيش صينية تتكسر .. مافيش كوباية تتكسر حتى لو رميناهم .. حتى شوف ".. ويرمي كوب على الرمل فيتفتت إلى مئات القطع فيكمل في إحراج : " أهي دي الكوباية الوحيدة اللي الشركة قالت إنها هتتكسر .. بعد كده .. كله حديد في حديد .. والله يفعل ما يريد " .. وعلى بعد عدة أمتار يجلس "أنور" مع زوجته "نور" يتناقشان في أمر مهم للغاية .. " وبعدين يا "أنور" وناوي تعمل إيه ؟! " "مش عارف بصراحة.. لازم أسدد العشرين ألف جنيه في أقرب وقت وإلا هاتحبس".. "يا خبر طيب ما تروح تستلف من ابن عمك" .. "................" "مالك مش بترد ليه .. بتفكر في الموضوع؟" .. "................"   وفجأة يتدخل في الحوار شخص غريب يجلس ملاصقا لهما تحت الشمسية المجاورة ليقول لـ " أنور " : " ما ترد عليها يا أخي صحيح .. وفهمنا .. ابن عمك هيعرف يسلفك الفلوس ولا لأ! ". إيه رأيك بقى ؟ ... ممكن تشوف المشهد ده في حتة تانية إلا على شواطئ مصر؟ يعني مثلا مثلا لما سافرت "اليونان" السنة اللي فاتت ولا لما رحت جزر "المالديف" من سنتين ولا حتى لما جيت على نفسك وصيفت في "تركيا" من كام سنة شفت حاجة من الحاجات دي؟  لأ طبعا.. خد بالك إن السلوكيات الغريبة دي موجودة في المصايف المصرية مش لأن الناس اللي فيها مش قادرة تصيف في المنتجعات العالمية الفاخرة .. إطلاقا مطلقا البتة .. لأنك حتى ممكن تلاقي سلوكيات زي دي أو أسوأ منها - خصوصا فيما يتعلق بالمعاكسات والخناقات وضياع الخصوصية - موجود في مصايف الناس الأغنياء في مصر .. يعني في مارينا والساحل الشمالي والذي منه .. معنى كده إن السلوكيات دي مرتبطة بجزء كبير من الشعب المصري بغض النظر عن المستوى الاجتماعي والاقتصادي .. ليكون السؤال المنطقي هنا هو ... ليييييييييييييييه؟!  ليه سلوكيات كتير من المصريين في المصايف أصبحت تتميز بالغتاتة - في المعاكسات السخيفة والبيع والشراء - والخناقات على الفاضية والفاضية " مافيش مليانة ! " وفي ضياع خصوصية الناس - كل واحد بيكون رامي ودانه عند جاره - ! ناهيك إنه مافيش أي شكل من أشكال النضافة وطبيعي جدا إنك تكون في قلب البحر وتطلع ورقة بسكويت الشمعدان أو قشر البطيخ وكأنك كنت مشارك في سحب على مسابقة ودي الجوايز ! وهل يا ترى السلوكيات دي زي الناس اللي بتاكل على البلاج والمعاكسات وغلاسة البياعين والخناقات وقلة النظافة وانعدام الخصوصية موجودة من زمان؟ ولا بتحصل دلوقت بس؟ وإيه السبب في كونها انتشرت كده في رأيك ؟ وتفتكر فيه حل للحاجات دي .. ولا هي الحياة كده.. واللي عاجبه الحال بهبله كده في مصايف مصر يصيف ... مش عاجبه ما يوجعش دماغنا ويخليه في البيت ؟  هتجاوب علينا.. ولا إنت قاعد دلوقت على البلاج ومش فاضي؟  (( بمناسبة الصيف والتصييف والإجازات )) .: بلاج الهنا :.
|
|
09-07-2007, 10:57
|
رقم المشاركة : [2] | |
|
: : مراقب عام : :
|
رد: (( بمناسبة الصيف والتصييف والإجازات )) .: بلاج الهنا :.
موضوع مميز كالعاده يا احمد
كل اللي قولت عليه كان موجود عندنا احنا كمان بس الحمد لله الناس بدأت تغير من سلوكها بالاضافه ان الحكومه عملت حملات من اجل شواطئ نظيفه وبتوعي الناس عن طريق الدعايه في التلفزيون ودلوقتي ممكن تروح تصيف وانت مرتاح وعقال لكم بقى  |
|
|
|
|
09-07-2007, 02:43
|
رقم المشاركة : [3] | ||||||||||||||||||||||||
|
:: عضو مؤسس ::
|
رد: (( بمناسبة الصيف والتصييف والإجازات )) .: بلاج الهنا :.
شكرا مريـــومة ويابختكم تعرفى أنا مصيفتش بقالى 5 سنين بسبب الموضوع ده بس أنا رايح مرسى مطروح الشهر الجاى قاعـد أسبوعين  وبالنسبة لموضوع حملات من أجل شواطئ نظيفة فى مصر جربى واعطى أى حد من بتوع الحملة صابعين محشى |
||||||||||||||||||||||||
|
|
|
|
09-07-2007, 02:50
|
رقم المشاركة : [4] | |
|
: : مشرف البرامج المشروحه : :
|
رد: (( بمناسبة الصيف والتصييف والإجازات )) .: بلاج الهنا :.
هههههههههههههههههههههههههه
والله يا أحمد ضحكتني من قلب أضحك الله سنك أنا بتسلا وأنت بتتقلا والله المناظر دول وحشة اوي ونحنا عنا كتير من دول بس من غير المراة السمينة دي هههههههههه فربنا يستر |
|
|
|
|
|
09-07-2007, 04:58
|
رقم المشاركة : [5] | |
|
: : مشرفــ بنات حواء ــة : :
|
رد: (( بمناسبة الصيف والتصييف والإجازات )) .: بلاج الهنا :.
هههههههههههههه
رائع يااحمد كالعاده طبعا بس الحمد لله احنا مش بنروح مصايف لان عندنا بحر جاهز عندنا اكتر من 6 بلاجات واكيد طبعا بيحصل البلاوي دي كلها بس من غير محشي هههههههههههه فيه ناس بيجيبوا معاهم سمك وسعات فسيخ بس طبعا مش في كل البلاجات الاقليه منها بس فعلا مناظر مقززة وناس مش عارفه ليه بيعملوا كده بيتهيألي ان الناس لازم يكون عندها وعي وتحضر شويه لان لو اي حد جاي بيصيف وشاف المناظر دي هياخد فكرة سيئه عن المصريين من خلال افعالهم دي ربنا يهديهم ويتغيروا بقي شكرا يااحمد علي موضوعك المتميز |
|
|
|
|
|
09-07-2007, 05:12
|
رقم المشاركة : [6] | |||||||||||||||||||||||||||||||||||||||
|
: : صحفيــة العمالقـــة : :
|
رد: (( بمناسبة الصيف والتصييف والإجازات )) .: بلاج الهنا :.
شكرا يا احمد انا مبطلتيش ضحك وانا بقرا وقاعدة اتخيل المنظر وال بيحصل فى المصايف وخصوصا المصايف ال انت اشرت اليها على العموم انا ميش راحة اصيف بس هبهوب هتعزمنى عندهم علشان اصيف كدة ولا لأ ياهبهوب
على ما اعتقد انها زادت اوووووووووووووى اليومين دول
بدل ما نتكلم عن البلاجات نتكلم عن الشارع العادى معديش حاجة اسمها امان موجودة فى الشارع وانتم عارفين الكلام دة اذا كانت المعاكسات والتعرض للبنات وكل شى تتصوره اصبح مباح دلوقتى ايه السبب فى التغير دة كله ميش عارفة يمكن البطاله او سوء التربيه والابتعاد عن تعاليم الدين الاسلامى لما ارجع بقى لحكايه البلاجات لو كل شاب منكم بص شويه وقال ليه اعاكس دى ممكن تكون اختى فى نفس الموقف وحد بيعاكسها لو بقى الشخص دة حترم نفسه اكيد دة هيترد لاخته ومحديش هيعاكسها كفايه بقى بقى لانى تعبت ولا اتفتحت فى الكلام فى الموضوع دة ميش هتخلصوا منى |
|||||||||||||||||||||||||||||||||||||||
|
التعديل الأخير تم بواسطة عاشقة الصمت ; 09-07-2007 الساعة 05:16. |
||||||||||||||||||||||||||||||||||||||||
|
|
|
|
09-07-2007, 05:30
|
رقم المشاركة : [7] | |
|
: : مشرفــ بنات حواء ــة : :
|
رد: (( بمناسبة الصيف والتصييف والإجازات )) .: بلاج الهنا :.
ههههههههههههههه
ياسلام بس انتي تعالي يامايا وانا اوديكي كل يوم البحر بجد احلي وقت ممكن تقضيه في حياتك بس قبل لما تيجي ابقي قوليلي علشان اجهز العوامات اصل انا مبعرفش اعوم هههههههههههههههه انت تشرفي في اي وقت وتنوريني طبعا |
|
|
|
|
|
09-07-2007, 08:41
|
رقم المشاركة : [8] | ||||||||||||||||||||||||
|
:: عضو مؤسس ::
|
رد: (( بمناسبة الصيف والتصييف والإجازات )) .: بلاج الهنا :.
دامت لنا هذه الضحكة .: أبو اسحاق :. وإذا كان على المرأة السمينة نصدرلكم يا سيدى عندنا حاجات حتعجبك أوى .. |
||||||||||||||||||||||||
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| انواع عرض الموضوع | |
|
|
العرض العادي
