الرئيسية - رفع الصور والملفات - ألعاب - دروس - خطوط - اتصل بنا - أعلن معنا
|
|
الرئيسية - رفع الصور والملفات - ألعاب - دروس - خطوط - اتصل بنا - أعلن معنا |
|
|
        |
|
|||||||
| الملاحظات |
|
| طور ذاتك الشخصية، وتكوينها، وتطورها، ووسائل تحليلها، وقياسها، ودراسة اجزاءها والنظريات النفسية في علم الشخصية |
 |
|
|
أدوات الموضوع | إبحث في الموضوع | انواع عرض الموضوع |
|
#1
16-06-2007, 01:39
|
|||||
|
|||||
!! RAW ... في بيـتكم !!
    الساعة 3 بعد منتصف الليل تضع المفتاح في باب شقتكم.. فيصدر صوتا - الباب مش المفتاح ! - يبدو مزعجا في ظل الهدوء المعشش على العمارة، فتقول لنفسك : " ما أنا لسه مزيتك امبارح .. يا ربي حتى الزيت بيغشوه طيب بس لما أشوف بكرة عم " توكل " البقال .. أنا بقى اللي هازيّتك ! " .. تغلق الباب ثم تخلع حذاءك وتضعه تحت باطك وترفع كعب قدمك لأعلى لتسير على أطراف أصابعك حتى تبدو وكأنك لاعب باليه محترف، فقط ينقصك الموسيقى الإيقاعية وتصفيق الجمهور.. تقترب من باب حجرتك المغلق في سعادة - إنت اللي سعيد مش باب الحجرة طبعا ! - .. تضع يدك على " الأٌكره " وتضغطها لأسفل وأنت فرحان لأن أحدا لن يعرف أنك قد عدت إلى المنزل متأخرا هكذا .. وفجأة تضاء الصالة بالنور وتلمح والدك واقفا وراء الستارة الفاصلة بين السفرة والأنتريه.. تصرخ مفزوعا : " يــامّـــا! " ثم تلملم شتات نفسك – أجزاءك المتبعترة يعني - وتقول لوالدك مبتسما وهو يقترب منك في هدوء يرعبك : " إيه يا والدي .. سهران لغاية دلوقتي ليه يا جميل .. كنت بتلعب Games على الكمبيوتر برضه .. صحتك يا عسل ! " في ثانية يحدث التالي .. يرفع والدك يده لأعلى حتى تتصور أنها وصلت إلى السقف ثم يهوي بها على وجهك : " طراااااااااااااااااااااااااااااخ ! " قبل أن تفهم ما حدث يأتيك القلم الثاني " طراخ " .. ثم الثالث " طراخ طروخ ".. فالرابع " طططططراااخ ".. وأخيرا..." طيخ طوخ طخطوخ ! ".. وأنت مكوم على الأرض تقول له : "هو كله ضرب ضرب .. مافيش شتيمة ولا إيه ؟ ! "  الساعة 3 بعد الظهر وأنت جالسة على مائدة الطعام مع والدك ووالدتك تتناولان الغذاء .. يحتسي - يشرب يعني ! - والدك الشوربة ثم يقول لوالدتك في حدة : " إيه ده .. الشوربة دي طعمها غريب ليه كده ؟ " ترد عليه والدتك : " مالها يعني .. ما هي كده كل يوم .. تلاقيك إنت بس اللي زودتها في شرب السجاير" " ما أنا كل يوم باشرب سجاير .. أكيد إنت اللي سرحت وإنت بتعمليها .. هو إنت أصلا بقيتِ بتعرفي تعملي حاجة من أساسه " .. تتدخل أنت في الحوار وتقول: " مالها بس يا بابا ما طعمها حلو أهو " .. ينظر إليك شذرا - كده يعني - وهو يقول : " اخرس إنت " .. فتنخرس ! ثم يقوم في عنف من مكانه وهو يقول : " دي مش عيشة دي " .. تقوم والدتك من مكانها بدورها وهي تقول : "مش فاهمة يعني لو دي مش عيشة .. تبقى إنت دلوقت ميت .. جثة يعني ولا إيه ".. ينظر إليها شذرا - كده يعني برضه ! - قبل أن يدفعها في عنف لتسقط على طرف الكرسي فتقفز من مكانك لتلحقها قبل أن تسقط أرضا .. يفتح باب الشقة ثم يلتفت ليقول لوالدتك : " آخر مرة أسمح لك إنك تكلميني بالشكل ده .. واوعي تعملي شوربة تاني بعد كده " .  حصلت مرة ووالدك ضربك ؟ .. فاكر ده كويس يعني ؟ لسه الإيد معلمة على وشك ؟ .. طب فاكر إيه السبب؟ وكان يستحق يعني ولا لما قلت له " وحشتني يا بابا" راح ضاربك على طول ؟ ! طب بلاش دي.. اتخانقت قبل كده مع والدتك.. اتنرفزت عليك في يوم وهوب قامت رافعة إيدها و .. طاخ طيخ طوخ طوخ طوخ طخطوخ ! طب انسَ الذكريات السيئة دي..  وافتكر كده إمتى آخر مرة اتخانقت فيها مع أخوك الصغير ولاّ أختك الصغيرة ؟ أيوه اليوم ده لما كنت عاوز تتفرج على ميلودي وهي مصممة تتفرج على space toon.. أيوه اليوم ده لما قمت ماسك الريموت ورميته في وشها ورحت قايم من مكانك وإنت برضه مثبت التليفزيون على ميلودي.. وماهتمتش حتى إنك تبص على حاجبها اللي اتعور من الريموت .. فاكر فاكر ؟ طب مدد كده على الشيزلونج المريح ده .. وارجع بذهنك لورا.. لورا.. لورا.. وجاوب لنا على السؤال الصعب ده : هل حصل يوم وشفت والدك بيضرب والدتك .. أو العكس ؟  ماتتكسفش من الإجابة .. وماتتصورش إنك لو قلت حاجة عن الموضوع ده تبقى بتعمل إساءة لسمعة العيلة .. أولا .. احنا بندردش سوا جايز نوصل لحل أو على الأقل لما الواحد يفضفض يرتاح .. ثانيا .. العنف داخل الأسرة المصرية وكمان الأسرة العربية والعالمية كذلك أصبح ظاهرة تقريبا .. يعني مثلا في " أوروبا والدول المتقدمة " بريطانيا .. - وأهي دولة حلوة ومتقدمة أهي - فإن جرائم العنف الأسري تشكل ربع الجرائم التي تحدث هناك .. مش كده وبس .. بل إن كل امرأة بريطانية من أربعة تتعرض للإيذاء والعنف داخل أسرتها .. رقم كبير طبعا .. بس ده في بريطانيا .. تعال بقى في مصر الحلوة العفية ! الدراسات الحديثة قالت إن 37% من جرائم العنف داخل الأسرة المصرية بتكون من الأخ الأكبر إلى الأخ الأصغر .. فاكر حادثة الريموت وميلودي ؟ ! مش كده وبس خد عندك كمان .. زوجة واحدة من بين كل ثلاث زوجات مصريات تتعرض للضرب بأشكال مختلفة أثناء الحمل .. ما بالك في غير وقت الحمل ؟  ما يحدث يخليك تشعر أن البيت المصري أصبح أشبه بحلقات مصارعة الـ RAW اللي الكل بيتخانق فيها بقسوة وبعنف وبدون أي قوانين حاكمة.. بس الفارق إن اللي بيحصل في الـ RAW مش بيؤثر على حد نفسيا بل بالعكس كل المشاركين فيه بياخدوا فلوس كمان .. لكن الـ RAW اللي في بيتكم بقى .. بيطلّع أجيال مشوهة نفسيا وجواها مشاكل نفسية بالكوم ..
تفتكر إيه السبب .. إن أغلب بيوتنا في مصر أصبحت RAW محلية ؟! ممكن الظروف الاقتصادية السيئة تكون هي السبب مثلا ؟ ولا ضغوط الحياة وعدم قيام الأسرة المصرية على قواعد صحيحة صلبة ومتينة .. بيخليها " متلصمة " يعني ؟ وياترى كنت مشارك قبل كده في الـ RAW اللي في بيتكم ولا مالكش فيه ؟ وبتحاول تفضه يعني .. ولا بتنفض ومالكش دعوة بيه ؟  منتظر ردودكم وتفاعلكم حول هذا الموضوع .. يا عمالقة الموضوع ده مش من فراغ وأخد منى مجهود كبير أوى .. منتظر تفاعلكم وآرائكم .. !! RAW ... في بيـتكم !!
|
|
16-06-2007, 02:16
|
رقم المشاركة : [2] | |
|
: : مراقب عام : :
|
رد: !! RAW ... في بيـتكم !!
احمد
لما قريت الجزء الاول من الموضوع افتكره مجرد للترفيه عن النفس وزيه زي اي موضوع بنقراه في قسم خمسه فرفشه وكنت بضحك وانا بقرا كل كلمة فيه بس لما وصلت للجزء الثاني منه حسيت بشعور غريب خلاني اتفكر مآسي كثير من العائلات وللعنف اللي بيتعرضوا له الحمد لله في بيتنا عمري ما شوفت والدي ضرب والدتي حتى لو كان فيه مشكل بينهم بيحاولوا يحلوه بعيد عننا ومش بنحس بان فيه اي خصام بينهم وبصراحه والدي عمره ما ضربني ولا مد ايده عليا هو ممكن يصرخ في وشي لو عملت حاجه مش كويسه وبعدين يحاول يفهمني غلطي بس انا مانكرش انه فيه مرات كنت بتخانق مع اخواتي عشان الريموت لان كل واحد فينا بيحب يشوف القناة اللي بيحبها بس انا سيبت لهم التلفزيون بكل اللي فيه وهما سبوا لي النت عشان ما يبقاش فيه أي خناقات بالنسبه للعنف في الدول الغربيه بيكون سببها عدم الشعور بالامان وتعاطيهم للمخدرات وشرب الخمر فاغلب الحالات بيكون الزوج او الزوجه مدمنين وكمان في مشكل الخيانه ومع ذلك للمرأه والابناء هناك حقوق ولو الرجل ضرب المرأة ممكن تدعيه وتكسب القضيه والابناء كمان بيرفعوا قضايا عن اباءهم ودا بيدي حقوق للمرأة والابناء للتطاول على الأب الشي اللي بيخلي الرجل اما عايش في خوف ويفضل ديما بعيد مش بيدخل في اي شيء او بيستعمل العنف بالنسبه للحالات اللي قولت انها موجوده بمصر هي نفس الحالات اللي بسمع عنها هنا بالمغرب فالمرأة بتتعرض للعنف كثير وخصوصا اذا كان الزوج سكير كما ان الرجل العربي (مش الكل بس البعض فيهم) بيفتكر ان ا لرجوله هي انه يضرب ويشخط في مراته وولاده ولازم يسمعوا كلامه حتى لو كان غلط يعني الحوار ممنوع هو اللي بيشتغل وبيصرف على البيت اذاً هو كلامه كله صح وما فيش مناقاشات ولو ما قمتش باللي بيقول عليه مش قدامك غير انك تحضر نفسك عشان تاخذ كام علقه كده |
|
|
|
|
16-06-2007, 02:28
|
رقم المشاركة : [3] | ||||||||||||||||||||||||||||||||||||||||||||||||||||||||||
|
مهندس اتصالات
|
رد: !! RAW ... في بيـتكم !!
والله اصلى مش فاكر اوى يا احمد اصل والدى متوفـــــــــــــــــى بقــــــــالة 12 سنه تقريبا .. فمش فـــــــــــــاكر اوى .. بس اكيد القلم مش معلم على وشى دا الاكيد يعنى .. بس والله افتكر بالرغم من ان والدى كان شديد وكنا بنخاف منه بالزات ساعة الجد .. إلا انه كان صدوق جدا وكان بيهزر جدا جدا وكان بيخادنا يفسحنا .. فكــــــــان والله بجد شخصية بتعرف تربى بجد .. كان بيضربنى لما اتهرب من المكتب بتاع تحفيظ القرآن .. ومع ذلك كان ياخدنى معاه لما كان يروح لاصدقائة وكان يفسحنى معاه .. بالرغم انه كان بيروح لشغل مش للعب إلا انه كان شخصية عظيمـــــــــة .. بحبــــــــــــه جدا .. الله يرحمه .. 
لألألألألألألألألألألألألألألألألألألألألألألأ لألألألألألألألألألألألألألأ لألألألألألألألألألألألألألألألألألألألألألألأ اولا :: موعـــــــــاش انا للمواضيع دى اصلى كنت صغير ساعتها .. بس والدتى قالت لى انها عمرها ما انضربت من والدى .. بس كان بصــــــــراحة لما كان بيضايق كان ممكن يكسر كباية .. يكسر طبق كدا يعنى .. الحمد لله انها بتيجى على قد كدا ..
والله من ناحية الخناقات مع الاخوات فدى كتيــــــــــرة .. بس زمان وانا عيــــــل فى الاعدادى .. انمـــــا دلوقتى مفيش خالص اى مشاكل .. اخرنا يعنى نزعق كلمتين وخلاص .. بنهبــــــــــل يعنـــــــى .. وبعدها بخمس دقايق بنتكلم تانى .. يعنى مش موضوع بص هبقى ادخل تانى اكمل بقية الموضوع ان كــــــــــــان اصلا فيه بقية .. بس الموضوع لذيذ اوى او يا احمد والله |
||||||||||||||||||||||||||||||||||||||||||||||||||||||||||
|
|
|
16-06-2007, 05:33
|
رقم المشاركة : [4] | |
|
:: عضو مؤسس ::
|
رد: !! RAW ... في بيـتكم !!
شكرا مريم .. شكرا أحمد صبرى
فى انتظار المزيد من الآراء .. حول هذا الموضوع |
|
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| انواع عرض الموضوع | |
|
|
العرض العادي
