الموضوع: تجميــع وصيـــانة الكمبيــوتــر ارجو التثبــيت للاهمية
عرض مشاركة واحدة
قديم 23-03-2007, 12:08   رقم المشاركة : [3]
كاتم الهم
: : عملاق ذهبي : :

 الصورة الرمزية كاتم الهم
 





كاتم الهم is on a distinguished road
افتراضي رد: تجميــع وصيـــانة الكمبيــوتــر ارجو التثبــيت للاهمية


AMD


الشركة دي عريقة جدا في مجال انتاج المعالجات اللي للأسف غير منتشرة في مصر الانتشار المناسب لحجم الشركة . وللعلم برضه ان المعالجات من النوع AMD أعلى مستوى من المعالجات انتل وكمان أرخص في السعر لكن المعالجات AMD أخذت شهرة أنها معالجات مستواها منخفض لأن المعالجات دي فيها مشكلة واحده بس . المشكلة دي هي السخونه . طبعا المشكلة الواحد يقدر يتغلب عليها بأنه يركب على المعالج المبرد Cooler الأصلي بتاعه علشان هوه ده اللي مصمم أنه يبرد المعالج . لكن المستوردين بيجيبوا حاجات رخيصة علشان يوفروا . فطبعا في ناس كتيير عانت من حرارة المعالجات بتاعتها . وفي ناس –للأسف- المعالجات بتاعتها اتحرقت . وطبعا من ساعتها والناس خافت من المعالجات دي.


و المشكلة أن الساده المستوردين استوردوا شحنة معالجات AMD من الموديل K6-2 550 MHZ ...... المعالجات دي كانت الشحنه اللي اشتروها كانت متهربة من المصنع . وطبعا كانت مضروبة . وبكده اتقضى على سوق المعالجات AMD .


لكن ممكن تسأل عند مهندسين الكمبيوتر والناس اللي بتشتغل في الجرافيكس Graphics هما بيستخدموا ايه عندهم . حتلاقي معظم الناس اللي عارفه قيمة المعالجات دي . أنهم بيستخدموا AMD .


خلينا نخش في تفاصيل المعالجات AMD ....


نزل جيل من المعالجات اسمه K6 الجيل ده كان قديم وبياخد أرقام زي الانتل 300 و350 وهكذا ... لكن الشركة نزلت معالج تاني يعتبر تطوير للمعالج القديم .. المعالج ده اسمه


K6-2 .. وأخذ أرقام 500 و550 وممكن أعلى كمان ( بصراحه مش متأكد) لكن المهم أن AMD نزلت معالج تاني اسمه K7 اللي معروف في السوق باسم Athlon المعالجات دي كانت بكفاءة انتل بنتيوم 3 وأحسن ... وبعد كده طورت الشركة المعالج Athlon K7 ونزلت معالج اسمه Duron المعالج ده أقوى من المعالج اللي قبله طبعا لكن برضه مش منتشر بالدرجه الكافيه .


دلوقتي بقه جينا للعملي . الدرس المهم بعد ما عرفنا التاريخ السريع بتاع المعالجات .


حنتعلم إزاي نركب المعالج بتاعنا مهما كان نوعه ... يلا بينا



المعالجات من الجيل الأول ( انتل بنتيوم و سليرون ) دي بتشبه لحد كبير الجيل الثالث في طريقة التركيب . علشان كده حنأجلها شوية


المعالجات من الجيل الثاني –بنتيوم2 – دي زي ما قولنا بتاخد شكل الكارت ودي زي ما احنا شايفين في الشكل (1)



بتركب على موصل زي الموصلات AGP &PCI بس الموصل ده اسمه Slot 1 وده أكبر شوية من النوعيين اللي قلناهم زي ما هو واضح في الصورة .


المعالج ده بيركب زي أي كارت ما بتدخلة في شق أو فتحة بكل بساطة تضغط عليه برفق لحد ماتسمع صوت كليك . يعني المعالج دخل للآخر . في الصورة اللي معانا هنا حنلاحظ أن المعالج اتركب في الماذربورد .الشكل (1) ..

شبكة العمالقة
الحقيقة ما قدرتش أجيب صورة أحسن لكن أعتقد أنها كفايه .. احنا شايفين المبرد كبيير .


والكارت الأسود .. هوه ده المعالج . ...


المعالجات من النوع بنتيوم3 وبنتيوم وسليرون وAMD من النوع FC-PGA


بتتركب بطريقة واحدة . لكن يعني ايه FC-PGA ؟؟؟؟


يعني أن ده نوع من المعالجات بتتركب على حاجه اسمها Socket 370 .. والمعالج في الحالة دي بيكون شكله مربع زي الشكل (2) .. الشكل ده باين فيه معالج من النوع Intel Pentium3 ومعالج من النوع AMD Athlon .


ملحوظة : المعالج أثلون والمعالج بنتيوم3 لهم نفس الآداء تقريبا لكن المعالج أثلون أفضل شوية وكمان أرخص



الشكل (3) مبين لينا أن الذراع اللي بيكون على السوكت
شبكة العمالقة
مرفوع ... والمعالج في وضع الاستعداد .. وكمان شكل (4)
شبكة العمالقة
بيبين لينا إزاي نمسك المعالج عند التركيب . .. وبعد ما حطينا المعالج .... ننزل الذراع ثاني مكانه برفق لغاية الآخر لما نسمع الكليك المشهورة . والشكل (5) بيبين لينا المعالج بعد ما ركب مكانه
شبكة العمالقة
بعد ما قمنا بالخطوة دي في الخطوة اللي بعديها ... تركيب المروحة وقطعة المعدن المسؤولين عن التبريد . اللي بنسميهم مع بعض Cooler يعني مبرد .


في عندنا في المبرد لسان معدني له طرفين حنركب الطرف الصغير مكانه في السوكت زي ما احنا شايفين في شكل (4) في حرف P وجنبه في سهم ..... السهم بيشاور ناحية بروز من البلاستيك . ... هوه ده اللي حنشبك فيه الطرف الصغير .... وبعدين من الناحيةالتاني للسوكت في بروز تاني .. حنشبك في الطرف الكبير بتاع المبرد . ( بكل بساطة وهدوء ) .


بعد ما بنركب المبرد حنركب السلك الخاص بالمروحة في المكان المخصص ليه على اللوحة الأم . واللي بيكون عادة مكتوب عليه CPU FAN أو بيكون مكتوب عليه FAN 1 ...


لازم بعد كده..... قبل ما تقفل الجهاز بعد ماتخلص تركيب الجهاز تتأكد أن المروحة شغالة كويس ومافيش حاجه بتعوق حركتها .


الشكل (6) بيوضح لينا شكل المبرد ...
شبكة العمالقة

من مواضيعى بالمنتدى
توقيع كاتم الهم
 
لقد عانيت كثيراً..وكتبت كثيراً
ومن حق القاتل أن يحقق للمقتول رغبة في نفسه

ورغبتي بعدك..رغم شدة قهري وعـذابــى ..
كاتم الهم غير متواجد حالياً   رد مع اقتباس